टोमॅटो पिकात कॉपर (तांबे) या अन्नद्रव्ये कमतरतेची लक्षणे काय आहेत आणि त्यामुळे काय नुकसान होते..?
लक्षणे
- कॉपरची कमतरता असल्यास पानांच्या शिरा आणि कडा पिवळसर होतात.
- नवीन पानांची वाढ खुंटते आणि ती लहान व विकृत होतात.
- रोपांवर फुलांची संख्या कमी होते, आणि फळांची गुणवत्ता खालावते.
- झाडांची एकूण वाढ खुंटते, आणि नवीन वाढ खूपच कमी होते.
कारणे
- जास्त PH असलेल्या मातीत कॉपरचे शोषण कमी होते.
- मातीमध्ये जास्त प्रमाणात फॉस्फरस असणे हे कॉपरचे शोषण कमी करते.
- अधिक पावसामुळे कॉपर शेताच्या बाहेर वाहून नेला जातो. ज्यामुळे कॉपरची कमतरता निर्माण होते.
- जास्त सेंद्रिय पदार्थ असलेल्या मातीत कॉपरची उपलब्धता कमी असते.
नुकसान
- पिकाचे उत्पादन कमी होते.
- फळांचा आकार, आणि चव बिघडते.
- झाडांची एकूण वाढ खुंटते, ज्यामुळे झाडे ही कमजोर होतात.
उपाययोजना
- कॉपर सल्फेट किंवा इतर कॉपर युक्त खतांचा वापर करावा.
- जमिनीत फॉस्फरसचे प्रमाण संतुलित करावे.
- माती परीक्षण करून त्यातील कॉपरचे प्रमाण तपासावे.
- माती परीक्षणाच्या आधारे योग्य खतांचा वापर करावा.
- कॉपरयुक्त उत्पादनांचा फवारणीद्वारे वापर करावा, ज्यामुळे कॉपरची त्वरित उपलब्धता होते.
- सेंद्रिय पदार्थांचा योग्य प्रमाणात वापर करावा.
टोमॅटो पिकात कॉपरची कमतरता टाळण्यासाठी वरील उपाययोजना करणे गरजेचे आहे. योग्य व्यवस्थापनामुळे पिकांचे आरोग्य व उत्पादन दोन्ही सुधारते .
