टोमॅटो पिकात कॅल्शियम या अन्नद्रव्याच्या कमतरतेची लक्षणे कारणे नुकसान आणि उपाययोजना.

लक्षणे 

• टोमॅटो फळांच्या तळ भागावर काळा किंवा तपकिरी रंगाचा भाग दिसतो, त्याला ब्लॉसयम एंड रॉट असे म्हणतात.
• रोपांच्या पानांवर पिवळे चटृटे दिसतात, आणि पाने सुकल्यासरखी होतात.
• जुन्या पानांच्या वाट्या होतात, आणि पानांच्या कडा तपकिरी रंगाच्या होतात.
• रोपांवर नवीन वाढ खुंटते. आणि कोवळ्या पानांची वाढ थांबते.

कारणे 

• मातीमध्ये नेसर्गिकरित्या कॅल्शियम कमी असल्यामुळे कॅल्शियम ची कमतरता जाणवते.
• कमी किंवा जास्त प्रमाणात पाणी दिले तर कॅल्शियमची उपलब्धता कमी होते.
• PH कमी असलेल्या मातीमध्ये कॅल्शियमची उपलब्धता कमी असते.
• नत्र युक्त खते जास्त प्रमाणात वापरल्यामुळे कॅल्शियम शोषणावर विपरित परिणाम होतो, ज्यामुळे कॅल्शियमची कमतरता भासते.

नुकसान 

• ब्लॉसम एंड रॉटमुळे फळांची गुणवत्ता कमी होते, आणि फळे विक्रीयोग्य राहत नाहीत.
• खराब झालेली फळे विक्रीसाठी घेतली जात नाहीत. त्यामुळे उत्पन्न कमी होते.
• कॅल्शियमच्या कमतरतेमुळे रोपांची एकूण वाढ आणि विकास खुंटतो.

उपाययोजना 

• कॅल्शियम युक्त खतांचा वापर करावा. उदा. कॅल्शियम नायट्रेट किंवा कॅल्शियम अमोनियम नायट्रेट.
• रोपांच्या पानांवर फोलियर स्प्रे (जसे की कॅल्शियम क्लोराइड) ची फवारणी करावी.
• पाण्याचे योग्य व्यवस्थापन करावे. पिकांच्या गरजेनुसार पाणी द्यावे.
• मातीचे माती परीक्षण करून घ्यावे.
• जर माती अम्लीय असेल तर चुनखडी किंवा डोलोमाइट वापरुन मातीचा PH संतुलित करावा.
• नत्र युक्त खतांचा योग्य प्रमाणात वापर करावा, त्यामुळे कॅल्शियमचे शोषण योग्य प्रकारे होईल.